TIT-U02 unlock bootloader and root

اخلاء مسؤولية | DISCLAIMER

Unlocking bootloader + Root Y6 Pro
TIT-U02

النهارده هاتكلم عن تجربه في عمل روت وفك بوت لودر للجهاز ده الموضوع طويل شويه

هاتحمل المطلبات من هنا لأجراء العمليه كلها فك بوتلودر وترويت  من هنا

اولا كيفيه فك البوتلودر
هانستعمل الموقع الخاص بالشركه المصنعه في العمليه بشكل اضمن وافضل

من هنا

لازم تكون مسجل في الموقع وحسابك مفعل والموضوع ده فري
نخش علي الشغل بقي
هايطلب منك بعض البيانات لازم توفرها وهي
ID, SN,IMEI
وطبعا موديل الجهاز واصدار واجه المستخدم كل دي امور سهله

اضرب الكود ده لمعرفه السيريال والأيمي خلو بالكو انا قلت ايه فيه اختلاف لأن بعض الناس مفكره ان الأيمي
IMEI
هو هو السيريال لا طبعا

*#*#2846579#*#*
وهانستعمل ده عشان نقدر نعرف الأي دي الخاص بالجهاز
*#*#1357946#*#*

بعد ما تملي البيانات هاتقدر تحصل علي باص ورد فك البوتلودر للجهاز اللى معاك والعمليه دي بتقدر تطبقها برضو علي اي موديل تاني مقفول بوتلودر

بعد ما جبت الباص ورد الخاص بالبوتلودر هاتعمل الخطواط دي
اول خطوه هاتدخل علي خيارات المطور في الجهاز تفعل وضع التصحيح وبعد كده تلغي قفل المصنع
OEM

هاتفتح ملف
adb tools المرفق مع الملفات
تشغل منه ملف MAF32
وتديله الأمر الأول
adb reboot-bootloader

بعد كده هايدخل وضع الفاست بوت
fastboot devices

بعد كده الأمر ده وتستبدل كل علامات الأكس بالباص ورد اللى جبناه من موقع تطوير الشركه

fastboot oem unlock xxxxxxxxxxxxx

هايظهر علي التليفون اوامر تدوس مفتاح الصوت + عشان يأكد الغاء القفل للبوتلودر

بعدها اتأكد ان البوتلودر اتفك بالأمر ده
fastboot oem get-bootinfo

كده انتهينا من فك البوتلودر تقدر تكتب الأمر ده
fastboot reboot
لازم الجهاز يعمل فاكتوري ريست لوحده عشان البوتلودر اتفتح
سيب الجهاز يفتح عادي وقائمه الأوامر شغاله تقدر تستعمل الأمر ده
adb reboot-bootloader

الجهاز هايدخل فاست بوت تاني والبوتلودر كده اتفك نخش علي مرحله الروت واهم خطوه فيها كل امر علي حدا هاتقرا بيانات الجهاز فاست بوت بعد كده تفلش الريكفير المصنع خصيصا لهذا الجهاز فقط معدل وراثيا 😀

fastboot devices

fastboot flash recovery carlivrecovery.img

الخطوه الجايه دي اهم خطوه في الشغل كله هاتكتب الأمر ده
fastboot reboot

عشان يخرج من الوضع بعد تفليش الريكفيري المعدل بس حذاري الجهاز يفتح نظامي لازم ندخل فاست بوت بسرعه
بالمفاتيح مجرد ما الجهاز يرستر تمسك مفتاح الصوت + والباور هايجيبلك 3 خيارات اختار منهم الريكفيري
هاتخش علي الريكفيري وبعدها تختار
Carliv Menu
ومنها تختار
Flash Boot or recovery Image

لازم طبعا تكون مجهز كارت ميموري حاطط عليه ملف البوت الخاص بالروت والملف ده موجود في المطلبات
بعد ما تفلش الملف من الكارت تخش علي قائمه
wipe
وتختار منها
wipe cache

وبعد كده ترستر وبرضو تخش بسرعه علي الريكفيري زي ما قلت قبل كده وتفلش ملف السوبر يوزر برضو مرفق مع الملفات

بكده اقدر اقولك الف مبروك علي الروت وفك البوتلودر والصوره مبتدكدبش من جهاز لسه حالا كان معايا بجري عليه عمليه اصلاح الأيمي

 Amr Awad