اخلاء مسؤولية | DISCLAIMER
السلام عليكم و رحمه الله و بركاته
كان في اخ ف الجروب سال عن طريقه الشبلنه
انا مليش ف الشروحات الصوتيه بمعنى
انا هشرح كتابيا و رافع فيديو للعمليه
هنبدا بسم الله
الادوات
طبعا هنشبلن يبقا محتاجين شبلونه 😂😂👋
جفت طويل ملقاط يعني 😂😂
و جفت متني
ورق مناديل – كلينكس – محارم 😅
القصدير السائل و ده عامل مهم
——
نوع مسطره الشبلونه و نوع القصدير مهم جدا
في مساطر كانت نازله فيها غلطات
يعني اما تشتري تشتري من حد فاهم و بيشتغل بيهم فني مش بياع او تاجر 👌🖐
نوع القصدير هيفرق في سرعه و درجه الانصهار
و الاداء و العمر الافتراضي
يعني تجيب نوع كويس
و تعرف بينصهر عن درجه حراره كام بيبقا مكتوب عليه
مفهوم العمر الافتراضي هنا
انك لو نسيت العلبه مفتوحه في انواع بتنشف و تصبح غير صالحه للشبلنه
————-
زي ما هنشوف ف الفيديو
تتاكد من ال ic ايا يكن اللي هتشبلنو
ممسوح و متساوي مفيش قصدير زياده عشان تعرف تشبلن صح 💪
بمجرد ما تزبط الشبلونه مكانها
انتا مش محتاج نهائيا انك تضغط بالجفت جامد
عشان على المدى البعيد الشبلونه هيحصل فيها التواءات و هتبوظ
مو ضروري تكبسو عليها بالملقاط كثير لانو بتنطعج
انتا كل اللي محتاجو حرفيا انك تضغط بطريقه متخليش الشبلونه تتحرك فقط لا غير
كانك ساند عليها او مثبتها مكانها بس بالراحه 👋
هتحط القصدير و تفردو بالشكل اللي يعجبك و يريحك
اخر مرحله و هيه انصهار القصدير
اتفقنا انك لازم تبقى عارف درجه الانصهار 🖐
يبقا هتزبط الهوت اير عليها
بينصهر ١٨٠ ازبط ١٨٠ او اعلى درجه بسيطه
طب و الهوا درجه الهوا من ٤ ل ٥ حسب كل هوت اير
زياده الهواء ف الشبلنه افضل و التجربه خير دليل
اخيرا التنظيف
معرفش ده مرض او وسواس
عن نفسي بحب امشي الفرشه على اي شغل
بمعنى بعد الشبلنه يستحسن انك تنظف من فوق
بعد ما القصدير يبرد
لسببين
هتكون شبلونتك نظيفه اول باول
اي زيادات ف القصدير هتطلع مع التنظيف و هتلاقي ال ic فك من الشبلونه لوحدو
من غير ما يمسك فيها و تتني الشبلونه يمين و شمال
اسف على الاطاله و او الموضوع عجبكم ان شاء الله هرفع فيديو كامل صوتي ان شاء الله للشبلنه و تنظيف الحمايه
و كل عام و انتم بخير 😘😘
الic اللي ف الفيديو معطوب
من اجل التجربه و عمل الفيديو فقط 🤗🤗☺️
جزاك الله خيرا وشكرا على النقاط المهمة التي اشرت عليها
اهلا بك
السلام عليكم كنت عاوز اشترى الشبلونات بكام الاسعار وانواعها ؟