🛡️ كيف تحمي حالك من الفيروسات والتهكير؟ (ببساطة وبدون وجع راس)

اليوم أغلب حياتنا على التليفون أو اللابتوب: صورنا، حساباتنا، شغلنا، وحتى أسرارنا! 😅
لهيك لازم نعرف كيف نحمي حالنا من الفيروسات والهاكرز يلي ممكن يدخلوا على أجهزتنا.

1. لا تفتح أي رابط غريب

إذا إجتك رسالة على واتساب أو إيميل وفيها رابط مو واضح أو من شخص ما بتعرفه… لا تفتحه!
حتى لو كان مكتوب فيه “شوف هالصورة” أو “ربحت مليون دولار” 😂.

2. حمّل تطبيقاتك من المتاجر الرسمية او المواقع الموثوقة

يعني من Google Play أو App Store

او عندك Uptodown 

واذا ملفات وادوات ما الك غير Halabtech

لا تروّح تنزّل برامج من مواقع عشوائية، لأن كتير منها فيها فايروسات.

3. فعّل التحقق بخطوتين

هاد بيحمي حساباتك من السرقة.
مثلاً إذا حدا عرف كلمة السر تبعك، ما بيقدر يدخل بدون رمز ثاني بيجيك على الموبايل.
بتلاقي هالميزة على فيسبوك، إنستغرام، جيميل، وغيرها.

4. لا تستخدم نفس كلمة السر بكل مكان

يعني لا تحط “123456” بكل حساباتك 😅
جرّب تعمل كلمة سر قوية وتغيّرها بين فترة وفترة.
فيك تستخدم برامج لحفظ كلمات السر مثل Bitwarden أو 1Password.

5. نزّل برنامج حماية (أنتي فايروس)

في كتير برامج مجانية كويسة مثل:

• Avast

• Bitdefender

• Kaspersky (Free version)

هدول بيفحصوا الجهاز وبيعطوك تنبيهات إذا في خطر.

6. انتبه من شبكات الواي فاي العامة

ما تدخل على حساباتك البنكية أو ترسل بيانات حساسة إذا كنت متصل بكافيه أو مطار.
إذا ضروري تستخدمها، فعّل شي اسمه VPN (برنامج بيحمي اتصالك).

7. حدث جهازك دايمًا

التحديثات مش بس شكل جديد، هي كمان بتسد الثغرات يلي ممكن يستخدموها الهاكرز.